Владимир Путин Кыргызстанга мамлекеттик сапары менен келди

25 ноябрь 2025 21:27 Barometr
Бөлүшүү:
ok

Россиянын президенти Владимир Путин Кыргызстанга мамлекеттик сапары менен келди. Бул тууралуу КРнын президентинин Басма сөз кызматы билдирди.

Россиянын президентин Манас” эл аралык аэропортунан Кыргызстандын президенти Садыр Жапаров тосуп алды.

Флагштокторго эки өлкөнүн туулары илинип, килем төшөлүп, ардак кароол ротасы тизилген.

Перрондо улуттук боз үйлөр тигилип, этно-жоокерлер алгыр куштар жана тайгандар менен көчмөн эл маданиятынын элементтерин чагылдырышты.

Андан соң мамлекет башчылар үчүн эки элдин музыкалык чыгармаларын аткарган кыргыз артисттеринин катышуусундагы чакан концерттик программа тартууланды.

Мамлекеттик сапардын жүрүшүндө Кыргызстан менен Россиянын лидерлери эртең, 26-ноябрда, эки жактуу күн тартибиндеги актуалдуу маселелерди жана стратегиялык өнөктөштүк духундагы кызматташтыкты мындан ары чыңдоо перспективаларын талкуулашат. Ошондой эле бир катар эки тараптуу документтерге кол коюу пландалууда.


Ссылка: https://barometr.kg/vladimir-putin-kyrgyzstanga-mamlekettik-sapary-menen-keldi



Добавить комментарий