Россияда автобустун газ жабдуусу жарылып кетти, каза тапкандар бар (видео)

Кечээ,12-августта кечинде Воронеж шаарындагы соода борборунун жанында ичинде 35 жүргүнчүсү бар автобус жарылып кетти. Бул тууралуу РИА Новости булагына шилтеме берүү менен “Барометр” маалымдайт.

Кырсык кечки саат 21.24тө "Галерея Чижова" соода борборунун жанында болгон, 10А каттамындагы ПАЗ унаасы жарылып кеткен. Автобустун ичинде 35 жүргүнү бар эле, тактап айтканда баардык отуруучу орундар толук болгон.

Алдын ала маалыматка таянсак, кырсыктан 16 адам жабыркады. Буту үзүлүп кеткен бир аял реанимацияда көз жумду. Үч адамдын абалы өтө оор. Жарылуу болгон учур видеого тартылып калган.

Алдын ала маалыматтарга караганда автобуста газ жабдуусу жарылган.