Парижде суу үстүндө кинотеатр ачылды (Видео)

Парижде суу үстүндө кинотеатр ачылып, биринчи кино тасма көрсөтүлдү. Бул тууралуу “Reuters” агенттигине шилтеме берип “Барометр” которду.

Франциянын борбор шаары Париждеги тосулган Сена дарыясында суудагы кинотеатр ачылды. Андагы алгачкы көрүүчүлөргө "Grand Bain 2018" комедиясы коюлду. Тасманы көрүү үчүн 38 электр кайык менен 200дөн ашуун адам келди. Ал эми орундук жетпей калган көрүүчүлөр чоң экрандан алыскы аралыктан тасманы көрө алышты.

Биринчи суу үстүндөгү кинотеатр эпидемиологиялык абалга байланыштуу ойлоп табылган.

Белгилей кетсек, акыркы алынган маалымат боюнча Францияда коронавирус 183 миң адамдан аныкталып, 81 082си айыгып, 30 209 адам көз жумду.