Ошто цирктен качып чыккан аюу көчөдөгү элдерди коркутту (видео)

Ошто аюу цирктен качып чыгып, көчөдөгү кишилерди коркутуп жүргөн видео соцтармактарда таркаган. Бул тууралуу соцтармактарга жарыяланган видеого шилтеме берип "Барометр" билдирет.

Маалым болгондой, окуя "Черемушки" кичи районунда болгон. Аюу "Кыргызстан" кинотеатрынан качып чыккан.

Маалыматка ылайык, аюу Бишкектен көчмө цирк менен барган.

Видеодон аюу бирде адамдарга жакындап, бирде качып жүргөнүн көрүүгө болот. Ошону менен катары эле, видеодо аюунун мурду байлануу экени көрүнүп турат. Адамдарды таң калтырып көчөдө шоу көрсөткөн жаныбарды көп өтпөй дрессировщик келип кармап кеткен.