Ошто аял 9-кабаттан секирип жанын кыймак болду (видео)

Бүгүн, 29-октябрда Ошто Өзгөчө кырдаалдар министрлигинин кызматкерлери суицид кылмак болгон аялдын өмүрүн сактап калышты. Ал көп кабаттуу үйдүн 9-кабатынын боюн таштаганга аракет жасады. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.    

1986-жылы туулган аял 12 кабаттуу үйдүн 9-кабатынан секирип жанын кыймакчы болуп жатканы тууралуу кабар ӨКМга түшкөн.

Окуя болгон жерге 4 кызматкер токтоосуз барып аялды куткарып калышты жана тез жардам кызматына өткөрүп беришти.