Ош-Баткен-Исфана унаа жолунда кырсыктан эки адам каза болду

Баткенде унаа оодарылып кетип, эки адам каза болду. Бул тууралуу ӨКМдин басма сөз кызматына таянып "Барометр" билдирет.

Бүгүн, 11-сентябрда Баткен районунда 06:37де Ош-Баткен-Исфана унаа жолунун 11-чакырымында (Жаңы-Жер айылы) “Ауди 100” үлгүсүндөгү унаанын айдоочусу рулга ээ боло албай, унаа жолдон чыгып оодарылып кеткен.

Жерине КР ӨКМнин ТКККнын №3 ӨМТККВдан 6 куткаруучу тартылган, бирок куткаруучулар жеткенге чейин, тез жардам кызматкерлери жабыркаган жарандарды Баткен облустук ооруканасына алып кетишкен. Кырсыктын кесепетинен 2 адам жабыркаган (1993-жылы туулган, 2005- жылы туулган) жана 2 адам ооруканадан каза болгон (1967- жылы туулган, 1974- жылы туулган). Куткаруучулар маалымат тактоо иштерин жүргүзүшкөн.