Наталья Орейро орус жарандыгын алат

Актриса Наталья Орейро орус жарандыгын алат. Бул тууралуу ал документтерди тапшырып жатып билдирди.

Уругвайлык ырчы жана актриса Наталья Орейро тиешелүү документтерин Россиянын Аргентинадагы элчилигине тапшырганын билдирди. Актрисанын айтымында, анын орусиялык күйөрмөндары сувенир орус паспортторун белек кылганды жакшы көрүшөт жана анын мындай 15 чакты белеги бар. Орейро Россияга 2001-жылдан бери келип турат.

Орейро орус жарандыгы тууралуу сөздөр Орусиянын Биринчи каналындагы "Вечерний Ургант" программасындагы тамаша сөздөрдөн башталганын кошумчалады.

Буга чейин орус жарандыгын белгилүү француз актеру Жерар Депардье менен америкалык актер Стивен Сигал да алган.

КМШ өлкөлөрүнүн айрым мамлекеттеринде, ошондой эле  Кыргызстанда дагы Наталья Орейро "Дикий ангел" сериалы аркылуу атагы чыккан.