Нарында күчү 4,5 баллга жеткен жер титирөө катталды

Бүгүн 11:05те Нарында жер титиреди. Бул тууралуу ӨКМ билдирди. 

Маалыматта айтылгандай, Нарын облусунун аймагында очогунда күчү 4,5 баллга жеткен жер титирөө катталды. 

Жер титирөө Ак-Талаа районунун Терек, Кара-Булак, Орто-Сырт айылдарында 3,5 баллга, Ак-Чий, Баетов айылдарында 3 баллга жана Байгөнчөк айылында 2,5 баллга чейин сезилген. 

Алдын ала маалымат боюнча жер титирөөдөн жабыркагандар жана кыйроолор катталган жок.