Нарын облусунун аймагына өзгөчө кырдаал режими киргизилди

Нарын облусунун аймагына өзгө кырдаал режими киргизилди. Бул тууралуу ӨКМнын маалымат кызматына таянып “Барометр” билдирет. 

Маалым болгондой, Бишкек-Нарын-Торугарт унаа жолунунда 5 тилкесинде болжолдуу 10000 м3 кар көчкү түшүп жол жабылгандыгына жана кар көчкү түшүү коркунучу сакталгандыгына байланыштуу өзгөчө кырдаал режими киргизилди. 

“17-февралдан тартып,  Нарын облусунун аймагына Кыргыз Республикасынын Президентинин Ыйгарым укуктуу өкүлүнүн буйругунун негизинде Өзгөчө кырдаал режими киргизилди.

Учурда жеринде тазалоо иш-чараларын жүргүзүү максатында Нарын шаардык №16 ӨКБдан 5 куткаруучу, ӨКМдин Куткаруучуларды даярдоочуу мамлекеттик борборунун 1 унаасы, №41 ЖТИден 1 грейдер, 2 жүктөгүч, 2 самосвал, Суу чарба ишканасынан 1 жүктөгүч тартылган.

Мындан сырткары жогору аталган унаа жолдун 265 жана 314 чакырымында КР ИИМдин ЖКККБ тарабынан нөөмөт уюштурулган.

Алдын ала маалымат боюнча жабыркагандар жок.

Кошумча маалымат берилет”, -деп айтылат маалыматта.