Нарын облусунда жер титиреди

КР Сейсмология институтунун берген маалыматына ылайык бүгүн, 12-майда саат 07:33тө Кыргызстандын аймагында очогунда 4,5 магнитудасына жеткен жер титирөө катталды. Бул тууралуу ӨКМнын Басма сөз кызматы билдирди.

Жердин силкинүүсү Нарын облусунун Ак-Талаа районунун Жаңы-Талап, Ак-Кыя айылдарында 4 баллга чейин сезилген. 

Учурда жер-жерлеринде жабыркагандар жана кыйроолор боюнча тактоо иштери жүргүзүлүүдө.