“Мунабия” тасмасы Лондондо өткөн кино фестивалда баш байгеге ээ болду

Кыргызстандын “Мунабия” тасмасы Лондондо өткөн кино фестивалда баш байгеге ээ болду. Бул тууралуу тасманын режиссеру Таалайбек Кулмендеев социалдык баракчасы аркылуу маалымдады.

“Лондондон жагымдуу кабар келди”,- деп жазды ал.

“Eurasian Creative Guild-2021” эл аралык кинофестивалында “Мунабия” тасмасы "Эң мыкты көркөм фильм" наамына татыган.

Аталган тасмада Мунабиянын ролун актриса жана модель Мээрим Атантаева аткарган.

Тасма белгилүү жазуучу Казат Акматовдун "Мунабия" чыгармасынын негизинде тартылган.