Минск шаарында Кыргызстандын Эгемендүүлүк күнүнө арналган салтанаттуу кече өттү

Минск шаарында Кыргыз Республикасынын Элчилиги Кыргызстандын Эгемендүүлүк күнүнө арналган салтанаттуу кечесин өткөрүп, ошондой эле азыркы кыргыз мамлекеттүүлүгүнүн түптөгөн аталарга арналган фото көргөзмөнү ачты.

Салтанаттуу кечеде Беларусь Республикасынын парламентинин депутаттары, коомдук, маданият жана илим ишмерлери, “Достук үйүнүн” жана “Кыргызстан-Беларусь” достук коомунун өкүлдөрү, Минск шаарындагы ЖОЖдордун жана колледждердин студенттери, ошондой эле Беларуста жашаган мекендештер катышты.

Иш-чараны ачууда Кыргыз Республикасынын элчиси Эрбол Султанбаев негиздөөчү аталардын азыркы Кыргызстандын калыптанышына жана өнүгүшүнө кошкон тарыхый салымын белгиледи. 

Ал алардын элесин сактап, көз карандысыз жана эгемендүү кыргыз мамлекеттүүлүгүнүн пайдубалын түптөгөндөр тууралуу билимдерди жаш муундарга өткөрүп берүү зарылдыгын баса белгиледи.

Иш-чаранын алкагында катышуучулар көз карандысыз Кыргызстандын калыптанышынын негизги инсандары жана тарыхый этаптары жөнүндө баяндаган экспозиция менен тааныша алышты.

Ошондой эле катышуучулар кыргыз акындарынын чыгармаларын кыргыз жана беларус тилдеринде окуп, музыкалык номерлер коюлду.