Мээрим Жуманазарова бүгүн коло медаль үчүн күрөшөт

Кыргызстандын балбаны Мээрим Жуманазарова Токиодо өтүп жаткан Олимпиада оюндарында кол медаль үчүн күрөшөт. Бул тууралуу "Барометр” маалымдайт.

Ал 2-августта 68 кг салмакка чейинки категорияда эркин күрөш боюнча турнирге катышкан.

Жуманазарованын биринчи атаандашы болгариялык Мими Николова болду. Ал атаандашын 7:5 эсебинде жеңип, чейрек финалга чыкты. Кезектеги атаандашы нигериялык Блессинг Оборудудудан 2:3 эсебинде жеңилип, финалга чыгуу мүмкүндүгүнөн ажыраган.

Нигериялык кыз финалга чыгып, Жуманазарова турнирде коло медаль үчүн ат салышмай болгон.

3-августта болгон биринчи раундда Жуманазарова азербайжандык Элис Манолова менен беттешип, аны жеңип алды. Эми үчүнчү орун үчүн беттеште Жуманазарова  монголиялык балбан менен килем үстүнө чыгат.

Беттеш Бишкек убактысы боюнча саат 17:55те болот.