"Манас" аэропортунан Бишкектин ичи менен кетүүчү кичи автобустар жүрө баштады. Жол акысы -120 сом

"Манас" Эл аралык аэропорту жергиликтүү транспорттук компаниялардын бири менен биргеликте Бишкек шаарына чакан автобустарды каттата баштады. Бул тууралуу аэропорттун маалымат кызматынан кабарлашты.

Билдирмеге караганда, бусиктер жарым саат сайын эки багытта каттайт. Биринчиси — Түштүк экспресс, "Манас" аэропортунан 12-кичирайонго чейин. Экинчиси — Чыгыш экспресс, "Манас" аэропортунан "Көк-Жар" жаңы конушуна чейин. Жол акысы бир кишиге - 120 сом.