Кытай менен Кыргызстандын товар жүгүртүүсү 2 млрд долларды түздү

2021-жылдын 1 жарым жылдыгында Кытай менен Кыргызстандын ортосундагы товар жүгүртүү 2 млрд долларды түздү. Бул тууралуу маалымат Кытайдын башкы бажы башкармалыгынын сайтында жарыяланганын “Барометр” билдирет.

Кытайдын бажычылары берген маалыматка таянсак, аталган өлкөдөн Кыргызстанга 2021-жылдын 1-жарым жылдыгында 2 млрд 16 млн долларга товар импорттолгон, ал эми Кытайга экспорттун көлөмү 20,5 млн. долларды түзгөн.

Кытайды Башкы бажы кызматынын интерактивдүү таблицасына ылайык, 1-жарым жылдыкта айларга карата товар жүгүртүү көлөмү төмөнкүдөй болду:

-Январь айында Кытайдан импорт 133,75 млн доллар, экспорт-716,1 миң доллар.

-Февраль айында Кытайдан импорт 89,87 млн доллар, экспорт-1,45 млн доллар.

-Март айында Кытайдан импорт 204,8 млн доллар, экспорт-7,93 млн доллар

-Апрелде Кытайдан импорт 321,04 млн, экспорт-1,44 млн доллар

-Май айында Кытайдан импорт 528,36 млн, экспорт-4,15 млн доллар

-Июнь айында Кытайдан импорт 738,37 млн, экспорт-4,81 млн долларды түздү.