«Кыргызым ыйлаба» ырын мыкты аткарган жаш баланын видеосу тарады (Видео)

Социалдык тармак аркылуу кичинекей баланын «Кыргызым ыйлаба, күн тиет сага да», - деп мукамдуу аткарып жаткан видеосу тарады.

Анда улуттук кийимин кийип, кыргыздын кызыл туусунун алдында Назарбек Турганов «Кыргызым ыйлаба» аттуу ырын аткарды.

“Назарбек уулумдан Сыймык Бейшекеевдин “Кыргызым ыйлаба” деген чыгармасы. Беш жашында ырдаган ыры, кудай буюрса эл шайыры болчудай. Аман эсен оорудан чыгып кетели, баарыңыздарга ден соолук каалайм”, - деп жазган баланын атасы Жаныбек Турганов.

Белгилей кетсек, аккордеондун коштоосунда ырдаган Назарбек интернет колдонуучулардын жакшы сөзүнө татып, тартылган видео тасма социалдык тармак аркылуу калың журтка бат эле жайылып кеткен.