Кыргызстандык футболчу кыз Дүйнөлүк футбол уюмунун атайын сыйлыгын алды

Футболчу кыз Айдана Оторбаева Эл аралык футболчулар ассоциацияларынын федерациясы уюмунун FIFPro Hero атайын сыйлыгын алды. Бул тууралуу ал өзүнүн фейсбук баракчасына жазган маалыматка шилтеме берип “Барометр” билдирет.

Маалым болгондой, футболчу кыз пандемия учурунда атайын ыктыярчылар тобун түзүп, кызыл зонада иштеген дарыгерлерге жардам көрсөткөн эрдиги үчүн ушундай Эл аралык маанидеги  сыйлыкка татып олтурат.

“Мен  FIFPRO HERO деген атайын сыйлыктын ээси болдум. Жакшы угулат экен.

Бул сыйлык мен үчүн чоң мааниге ээ. Чакан ыктыярчылык ишим мага ушунчалык жакшылык жана кубаныч алып келет деп ойлогон эмесмин. Азыр деле муну аванс катары кабыл алам. Мен ар дайым жакшылыкты жана тынчтыкты каалап келем”, - деп жазды Оторбаева.