Дүйнөнүн 200дөн ашык спортчусу келет. Бишкекте бильярд боюнча Дүйнө чемпионаты болот

Бишкекте чоңдор арасында бильярд боюнча Дүйнө чемпионаты жана жаштар арасында Дүйнө биринчилиги өтөт. Бул тууралуу маданият, маалымат, спорт жана жаштар саясаты министрлигинин маалыматына шилтеме берип “Барометр” билдирет. 

Маалым болгондой, 22-25-февраль күндөрү жаштар арасында "Эркин пирамида" түрү боюнча мелдештер өткөрүлөт. 

Ал эми чоңдор арасында "Аралаш пирамида" түрү боюнча мелдештер 27-февраль күнү башталып 2-мартка чейин уланат.

Жалпысынан мелдешке дүйнөнүн 20га жакын өлкөсүнөн 200дөн ашык спортчу катышаары күтүлүүдө.

Мелдештердин программасы:

22-25-февраль жаштар арасында “эркин пирамида” оюну боюнча мелдештер. Башталышы саат 10:00.

27-февралдан тарта 2-мартка чейин чоңдор арасында “Аралаш пирамида” боюнча мелдештер. Башталышы саат 10:00.