Президенттин администрациясы түзүлдү

Кыргызстандын президентинин администрациясы түзүлдү. Бул тууралуу президенттин маалымат кызматына таянып "Барометр" билдирет.

"Президент Садыр Жапаров кол койгон жарлыкка ылайык, 2021-жылдын 11-апрелиндеги референдумда (жалпы элдик добуш берүүдө) кабыл алынган КРнын Конституциясынын негизинде президент менен өкмөттүн мурунку аппараттарынын базасында КРнын президентинин администрациясы түзүлдү.

Ошондой эле, мамлекет башчысынын жарлыктары менен:

• Сүйүнбек Сапарбекович Касмамбетов - КРнын президентинин администрациясынын жетекчиси болуп дайындалды жана мурда ээлеген кызматынан бошотулду;
• Медербек Асанбекович Сатыев - КРнын президентинин администрациясынын жетекчисинин биринчи орун басары болуп дайындалды жана мурда ээлеген кызматынан бошотулду;
• Бектур Рысбаевич Зулпиев - КРнын президентинин администрациясынын жетекчисинин орун басары болуп дайындалды жана мурда ээлеген кызматынан бошотулду;
• Жеңишбек Асанкулович Асанкулов - КРнын президентинин администрациясынын жетекчисинин орун басары болуп дайындалды.