Кыргыз эл артисти Марат Сарулу каза болду

Кыргыз Республикасынын эл артисти Марат Сарулу дүйнө салды. Бул тууралуу маданият, маалымат жана жаштар саясаты министрлигин маалымат кызматына шилтеме берип “Барометр” билдирет. 

Кыргыз Республикасынын эл артисти, Токтогул атындагы мамлекеттик сыйлыгынын лауреаты, Кыргыз Республикасынын искусствосуна эмгек сиңирген ишмер, кинорежиссер жана  сценарист Марат Сарулу бүгүн, 9-мартта дүйнө салды.

Марат Сарулу  1957- жылы 26-сентябрда  Талас облусунда туулган.

Кыргыз мамлекеттик университетинин Филология факультетин аяктаган. 1984- жылы Москвада СССРдин эл артисти, режиссёр, сценарист  Фёдор Савельевич Хитруктун мектебинен билим алган.

Кыргыз Республикасынын  кинематографисттер союзунун, КМШ жана Балтия кинематографисттер бирликтеринин  мүчөсү болгон.