Күрөш. Дүйнө чемпионаты: Канжарбек уулу коло медаль үчүн күрөштө утулду

Грек-рим күрөшүнөн жаштар арасында дүйнө чемпионатында кыргызстандык Таластан Канжарбек уулу коло байге үчүн күрөштө жеңилип калды.

Бул тууралуу грек-рим күрөшү боюнча Кыргызстандын жаштар курамасынын машыктыруучусу Шухрат Ушуров “barometr.kg” сайтына билдирди.

60 кг салмакта күч сынашкан Таластан азербайжандык Азгар Ализада менен күрөштү. Ализада упай айырмасында Таластан’ды утуп коло байгеге татыды.

Күрөштүн түрлөрү боюнча жаштар арасында Дүйнө чемпионаты ушул күндөрү Таллин шаарында (Эстония) өтүп жатат.