Роналду футболдо тарых жаратып, Гиннесттин рекорддор китебине кирди

Португалиялык футбол жылдызы Криштиану Роналду  улуттук курамада 200 оюн өткөргөн биринчи футболчу болуп, рекорд жаратты. Бул тууралуу “Барометр” билдирет.

Маалым болгондой, 38 жаштагы футболчу Евро-2024тун тандоо турунда Исландия менен болгон беттеште оюн талаасына чыгып, жаңы рекорд койгон. 

Юбилейлик оюнда Роналду жеңиш голун киргизген.   
"Бул жеңиштин өзгөчө даамы бар. Бул 200-матч болгондуктан гана эмес.   Беттештин айланасында болуп өткөн бардык окуяларды эске алганда, бул сонун жана унутулгус болду. Исландиялыктарга жана федерацияга сюрприз үчүн жана Гиннес рекорддор китеби үчүн рахмат айтышым керек», - деди чабуулчу.   

Беттештин алдында Роналдуга анын рекордун тастыктаган расмий сертификат тапшырылган.