Кара-Суу районунда эки жаштагы кыз дааратканага түшүп кетип каза тапты

Ош областынын Кара-Суу районундагы Кең-Сай айлында эки жаштагы кыз дааратканага түшүп кетип каза тапты. Бул тууралуу бүгүн, 10-сентябрда Өзгөчө кырдаалдар министрлигинин басма сөз кызматынан кабарлашканын “Барометр” билдирет.

Кырсык Абжапар-Ата көчөсүндөгү турак үйлөрдүн биринде болгон, 2019-жылы туулган кыз дааратканага түшүп кеткен.

Кырсык болгон жерге төрт куткаруучу барган, бирок кыздын денесин алар барганга чейин эле жакындары алып чыгышкан.