Кара-Буурада суудан өтө албай 30дай унаа топтолуп калган

Талас областынын Кара-Буура районунда сел жүрдү. Бул тууралуу Өзгөчө кырдаалдар министрлигинин басма сөз кызматына шилтеме берүү менен “Барометр” билдирет.

Аталган маалыматка таянсак, кечээ, 21-июлда саат 15:00дөр чамасында нөшөрлөп жааган жамгырдын кесептинен Шилбили дайрасы жээктен ашып, Кара-Буура-Чаткал унаа жолунун 15 чакырымын, ошондой эле унаалар өтө турган көпүрөнү агызып кеткен.

Жол эки тараптан тең жабылып, андан 25-30дай унаа өтө албай калган. Жабыркагандар жок.

Учурда табият кырсыгы болгон жерде куткаруучулар иш алып барууда.