Кадамжайда сел жүрүп оңдолгон 6 көпүрөнү агызып кетти (Сүрөт)

Кадамжайда сел жүрүп, оңдолгон 6 көпүрөнү агызып  кетти. Бул тууралуу  ӨКМ басма сөз кызматына таянып "Барометр" билдирет. 

Кечээ, 26-июлда саат 19:30 чамасында Баткен облусунун Кадамжай районундагы Орозбеков айыл аймагында катуу жааган жамгырдын кесепетинен Охна сел өтүүчү сайынан сел жүрүп, 24-июлда калыбына келтирилген 6 көпүрөнү кайра жараксыз абалга келтирди.

Жерине райондук Өзгөчө кырдаал бөлүмүнүн ыкчам тобу, жергиликтүү бийлик өкүлдөрү чыгышкан. 

Эскерте кетсек, буга чейин Кыргызгидромет туруксуз аба ырайына байланыштуу сел жүрүүсү мүмкүн экендиги боюнча шашылыш эскертүү тараткан.