Изделип жаткан 13 жаштагы Мырзайым Каниметова табылды

13 жаштагы Мырзайым Каниметова табылды. Бул тууралуу Октябрь райондук ички иштер башкармалыгынын басма сөз кызматына шилтеме кылуу менен “Барометр” маалымдайт.

Кыз кечээ,14-ноябрда күндүз жоголгон. Ал үйүнөн чыгып кеткен боюнча кайтып келген эмес. Ата-энеси милициядан көмөк сурап кайрылган.

4-шаардык милиция бөлүмүнүн ыкчам иликтөөчүлөрү кызды Руставели көчөсүндөгү курбусунун үйүнөн табышты. Кызды ата-энесине өткөрүп беришти.

Жакындары милиция кызматкерлерине ыраазычылык билдиришти.