Базар-Коргондо эки бир тууган изделүүдө (Сүрөт)

Базар-Коргондо 11 күндөн бери эки бир тууган кыздар изделүудө. Бул тууралуу Жалал-Абад ОИИБдин басма сөз кызматына таянып "Барометр" билдирет. 

Базар-Коргон районунун Аук айылынын тургундары 2004-жылы туулган Сабырбекова Нурзада Нуралиевна жана 2005-жылы туулган Сабырбекова Нурзия Нуралиевна 18-июлда Кочкор-Ата шаарынан үйгө кетебиз деп чыгышкан бойдон дайынсыз жоголуп, бүгүнкү күнгө чейин жүргөн жери белгисиз болууда.

Сабырбекова Нурзаданын өзгөчө белгилери: Бою 140-145 см, ак жүздүү, кашы, көзү кара, чачы кара жана узун.

Кийген кийими: Кызыл түстөгү көйнөк.

Сабырбекова Нурзиянын өзгөчө белгилери: Бою 160-165 см, сары жүздүү, кашы, көзү сары, чачы сары жана кыска.

Кийген кийими: Көк түстөгү көйнөк.

Эгерде жогорудагы жоголгон кыздар тууралуу кандайдыр бир маалымат болсо тел.: (03734) 5-05-44, 0553 78 00 78, 0500 14 00 06, 0770 14 00 06 номурларына кайрылууга болот.