Индияда болгон суу ташкынынан эң аз дегенде 116 адам каза тапты (видео)

Индия менен Непалда акыркы күндөрү катуу жааган жаандан улам болгон суу ташкыны менен селден эң аз дегенде 116 адам каза тапты.Ондогон адамдар дайынсыз жоголду. Бул тууралуу India Today булагына таянуу менен “Барометр” кабарлайт.

Индиянын түндүгүндөгү Утаракханд штатында акыркы күндөрү 46 адам каза таап, 11 киши дайынсыз жоголду. Түштүктөгү Керала штатында 39 киши көз жумду.

Ал эми  Непалда акыркы үч күндө катуу болгон селден 31 киши каза таап, 43 адам дайынсыз жоголгон.

Бул цифралар акыркы эмес экенин жергиликтүү бийлик маалымдоодо.