Facebook, Instagram тармагында кайрадан массалык үзгүлтүк болду

Facebook, Instagram жана WhatsApp түйүндөрүнүн колдонуучулары сервистерде кайрадан иш үзгүлтүккө учураганына даттанышууда. Бул тууралуу Downdetector сайты маалымдаганын “Барометр” кабарлайт.

Facebookтун ишинде токтоп калуулар болуп жатканын жумадан ишембиге караган түнү даттана башташты. Көп арыздануулар АКШ, Улуу Британия, Канада, Германия, Италия жана Россиядан келип түшкөн.

Instagram тармагы начар иштеп жатканын АКШ, Германия, Улуу Британия жана Нидерландыдан, ошондой эле Канада, Италия, Ирландия, Испания, Франция, Россиядан кабарлашты.

Facebook компаниясы иштеги каталыктар үчүн кечирим сурады.