Достук каналына агып кеткен 5 жашар кыздын жансыз денеси табылып, туугандарына өткөрүлүп берилди

27-июнь күнү Жалал-Абад облусунун Ноокен районунун Достук айыл аймагынын Кызыл-Туу айылынын Орозбеков көчөсүндөгү үйгө тойго атасы менен кошо келген 2013-жылы туулган А. Н. аттуу кыз  Достук каналынын жээгинде ойноп жатып, сууга чөгүп кеткен деген маалымат “112” кызматына түшкөн. КР ӨКМнин №55 Өрт-куткаруу бөлүгүнүн куткаруучулары 27-июнь саат 21:00гө чейин издөө иштерин жүргүзүшкөн, бирок натыйжа болгон эмес.    28-июнь күнү саат 09:00дө кыздын жансыз денеси суудан жергиликтүү тургундар тарабынан табылып, туугандарына өткөрүлүп берилди.