"Дордой" базарындагы башаламандык текшериле баштады

 “Дордой” базарынын жанында башаламан соодага каршы күрөш башталды. Бул тууралуу Чүй облусунун ички иштер башкармалыгынан билдиришти. 

Маалым болгондой, Сокулук – Кант жолунун 1-20-чакырым аралыгында рейддер жүрүүдө. Анын алкагында трасса боюндагы, аялдамаларда жана унаа токтотмолордо башаламан соода жоюлуп жатат. Эскертүүгө карабай, 2 айдан бери мыйзамсыз сатуу уланып жаткан түйүндөр түрттүрүлүүдө.