Кудайберген базарында 10дон ашуун контейнер күйүп жатат

Кудайберген базарында 10дон ашуун контейнер күйүп жатат. Бул тууралуу ӨКМнын маалыматына таянып "Барометр" билдирет

Маалыматка ылайык, Бишкектеги Кудайберген базарында чыккан өрттө  унаа тетиктерин саткан 10дон ашуун контейнер күйгөн.

"Өрт саат 17:45те чектөөгө алынды.

Калаанын Биринчи Май районундагы алдын ала маалымат боюна, Патриса Лумумбы көчөсүндө жайгашкан  Кудайберген базарында  контейнерден өрт чыккандыгы тууралуу маалымат түшкөн.

Өрттү өчүрүүгө саат 16:03төн тарта  ӨКМден жалпы 5 бөлүм Штаб жана Кризистик кырдаалдарда башкаруу борборунан Ыкчам топ тартылды.

Мындан сырткары Мэриядан 2 суу ташуучу унаа, ИИМ жана тез жардам кызматы тартылды.

Учурда өрттү өчүрүү иши жүрүүдө. Алдын ала маалымат боюнча жабыркагандар жок. Кошумча маалымат берилет", -деп айтылат маалыматта.