Дүйнө кызыктары: Австралияда түрмөнү кинотеатрга айландырышты

Австралиянын Кобург шаарындагы HM Pentridge тарыхый түрмөсү кинотеатрга айландырылды. Бул тууралуу  Lonely Planet агенттиги жазып чыккан маалыматка таянып “Барометр” билдирет.

Түрмө 1851-жылы негизделген жана Мелбурн түрмөсүнүн ордуна метрополитендин негизги тергөө абагы болгон. 1997-жылы расмий түрдө жабылган. Анын айрым тарыхый имараттары корголуп, Виктория мурастарынын реестрине киргизилген.

15 экраны жана толугу менен отурган отургучтары бар кинотеатр 1 100 адамга чейин конокторду кабыл алат.

Көрүүчүлөрдү COVID-19дан коргоо үчүн бардык коопсуздук чаралары колдонулат. Тагыраак айтканда, достору жана үй-бүлөсү менен эки кишиден чогуу отурушуна шарт түзүп, орунтуктар шахмат түрүндө пландаштырылган.

Мындан тышкары, фойедеги тыгындарга жол бербөө үчүн сеанстардын убактысы кыскартылат. Имараттын кире беришинде жана соода түйүндөрүнүн жанында дезинфекциялоочу каражаттар болот, ошондой эле билеттерди контактсыз эле телефон аркылуу брондоо же төлөө мүмкүнчүлүгү бар.