Дизайнер Дильбар Ашимова: Биз өз эмгегибиз менен сыймыктанабыз! (фото)

Токио шаарында боло турган Олимпиадага барчу Кыргызстандын курама командасынын формасын даярдаган дизайнер Дильбар Ашимова аталган кийимдердин сүрөтүн социалдык баракчасына бөлүштү. Бул  тууралуу “Барометр” маалымдайт.

Форма 13-июлда тааныштырылган.   

“Биз өз эмгегибиз менен сыймыктанабыз! Биз Кыргызстандын туусун сыймыктануу менен желбиретебиз”, - деп жазды Ашимова.

Форманын бир комплекти 95 миң сомдун тегерегинде болгону айтылды. Каражат КРнын Улуттук олимпиадалык комитетти тарабынан каржыланган.

Социалдык тармактардын колдонуучулары аталган параддык форма тууралуу катуу сын-пикирлерин айтышып, талкууга алышты. Алардын арасында сакура гүлүн сындагандар болду, "форма артисттердин кийимине окшоп калыптыр" дегендер болду.