Кышкысын ден соолукка кам көрүүгө зарыл кеңештер

Ар бир адам ден соолукта болууну каалайт, бирок баардыгы эле буга себеп боло турган эрежелерди сакташпайт. Ден соолукка байланыштуу көптөгөн көйгөйлөр айлана-чөйрөдөн эмес, көнүмүш адаттардан жана жашоо образынан улам келип чыгат. “Барометр” ден соолугуңузга пайдалуу кеңештерди сунуштайт.

Кышкысын ден соолукка өзгөчө кам көрүү керек

Биринчиден. албетте,витаминдер. Унутпаңыз, учурда эч кандай жашылча-жемиштер толук кандуу витамин комплексин алмаштыра албайт. Ошондуктан, врачтар витаминдер курсун ичүүнү сунушташат, аларды дарыгер менен чогуу тандап алса жакшы болот.

Жумасына бир жолу спорт менен машыгып коюп, кээде кечки тамактан баш тартуу менен ашыкча салмак көйгөйүнөн арылам деген жаңылыштык

Калориялардан арылуу үчүн, системалуу түрдө физикалык активдүүлүккө убакыт бөлүп, уктаардан бир нече саат мурун тамак жебешиңиз керек.

Оорунун биринчи эрежеси байкалары менен интернеттен жооп издеп өз алдынча дарыланбаңыз

Өзүңүздү жаман сезсеңиз, интернеттен, жана атайын ден соолукка пайдалуу форум деген баракчалардан жооп издебеңиз. Ден соолукта көйгөй болбосо дагы, жылына бир жолу медициналык кароодон өткөрүп туруу зарыл.

Пайдалуу азыктардан акча үнөмдөбөңүз

Кээде пайдалуу тамак-аштар кымбатка турушу мүмкүн. Бирок, туура жана тең салмактуу тамактануу ден соолуктун жана узак өмүрдүн ачкычы экендигин унутпаңыз. Мындан тышкары, туура тамактануу фигураны жакшыртат, карылык процессин жайлатат, теринин, чачтын жана тырмактын абалына жакшы таасир берет. Дан эгиндерин (сулу, гречка, күрөң күрүч), балыктарды, жашылчаларды, жемиштерди, үрөндөрдү (кунжут, чиа), жаңгактарды үзгүлтүксүз жеп туруңуз.

Уйкунун жетишсиздиги ден соолукту начарлатат

Түн ортосунан кийин уктап, эртең мененки саат 7де турууга зарыл учурларда гана уруксат берилет, бирок күн сайын эмес.

Тамеки чегүү бырыштарды жана карылык процесстеринин тез өнүгүшүн шарттайт

Жаш жана жаңы көрүнүүнү сактап калууну каалоо - бул аялдын каалоосу гана эмес, эркектер дагы мүмкүн болушунча жаш бойдон калууну каалашат. Бирок тамеки тартуу ички органдарга гана эмес, сырткы көрүнүшүнө дагы терс таасирин тийгизет. Ошондуктан тамеки чеккендер өз курагынан жаш көрүнбөйт.

Ар дайым ингредиенттерди окуп чыгыңыз

Өнүмдөрдүн таңгагына алар "ГМО эмес" жана "Табигый" деп көп жазышат. Бирок бул алардын курамында пайдалуу компоненттер гана бар дегенди билдирбейт. Анын курамдык бөлүктөрүнүн азайып бара жаткан тартибине ылайык өнүмдүн курамын, окуу маанилүү. Эгерде сиз тааныш эмес жана окууга кыйын ысымдарды көп көрсөңүз, анда мындай өнүмдү сатып албаганыңыз оң.