Чыныбай Турсунбековдун сөөгү "Ала-Арча" көрүстөнүнө коюлду (Сүрөт)

Жогорку Кеңештин депутаты Чыныбай Турсунбековду акыркы сапарга узатуу зыйнаты өтүүдө. Бул тууралуу Жогорку Кеңештин басма сөз кызматынын башчысы Ибраим Нуракун уулуна шилтеме берип «Барометр» билдирет.

Маалыматка ылайык, эл өкүлүнүн сөөгү бүгүн, 7-июлда, Бишкектеги үйүнөн чыгарылды.

Коштошуу зыйнатында сөз сүйлөгөн Жогорку Кеңештин төрагасы Дастанбек Жумабеков, маркумдун жубайына, балдарына жана жакын туугандарына президенттин, эл өкүлдөрүнүн жана өзүнүн атынан көңүл айтты.

“Кабыргабыз кайышып турат, кошуңуз Чыныбай ага. Жаткан жериңиз жайлуу, топурагыңыз торко болсун”, - деди ал.

Депутат Чыныбай Турсунбековдун сөөгү "Ала-Арча" көрүстөнүнө коюлду.