Чүйдүн тургуну атасын сабап өлтүрүп, милицияга өзү келди

Чүй областынын Москва районунун тургуну атасын сабап өлтүрүүгө шектелип жатат. Бул тууралуу Чүй областтык ички иштер башкармалыгынын басма сөз кызматынан кабарлашканын “Барометр” маалымдайт.

Аталган кабарга таянсак,12-августта 30 жаштагы шектүү адам Москва районунун ички иштер бөлүмүнө келип, атасы менен чатакташып аны уруп-сабаганын, ал каза тапканын айткан.

Бул боюнча Кылмыш кодексинин 138-беренеси - “Ден соолукка оор залал келтирүү” боюнча сотко чейинки өндүрүш башталды.

Шектүү убактылуу кармоочу жайга камалды. Тиешелүү соттук-медициналык экспертизалар дайындалды.