Чүйдө дарыгердин майкасын тытып, колун сындырган имамга сот чечими чыкты

Чүй областынын Москва райондук соту мечиттин имамы К.А.М аттуу жаранга карата чечим чыгарды. Бул тууралуу соттун токтомунда айтылат

Ал 2018-жылы 13-сентябрда болжол менен саат 15:30да Беловодское айылындагы рентген кабинетке келген. Дарыгер Х.Р.С. менен атайлап урушуп, халаты менен майкасын айрып, кол салган. Экөөнүн чатагы имамдын аялынын рентгенге төлөгөн акчасынан улам келип чыкканы аныкталды.

Соттук-медициналык экспертизанын бүтүмүндө дарыгердин оң колунун аты жогу сынган, сол колу, денеси тытылганы айтылат.

Сот имамды күнөөлүү деп таап эл алында дарыгерден кечирим суроону жана келтирилген чыгымды төлөөнү токтом кылды.