Боронов: "Республикада кислород концентратору жетиштүү"

Мамлекет табарынан 1500 кислород концентраты сатылып алынды, учурда анын 1300 даанасы колдонулуп жатат. Бул тууралуу брифинг учурунда премьер-министр берген маалыматка таянып «Барометр» билдирет.

Бүгүнкү күндө мамлекеттик түздөн-түз сатып алуулар менен 1500 кислород концентраты сатылып алынды, учурда анын 1300 даанасы иштетилип жатат, ал эми 200 даанасы эртең Кытайдан келет.

«Демөөрчүлөр тараптан 1000 кислород концентратору, ага кошумча ишкерлер тарабынан жардамдар аркылуу да келгендерди кошкондо жалпы 3000ден ашык кислород концентратору бар», - деп билдирди Боронов.

Ошондой эле ал буга чейин Саламаттыкты сактоо министрлигинин эсеби боюнча жалпы республика боюнча Кыргызстанга 2 250 кислород концентратору керек экени айтылганын жана бүгүнкү күндө республикага кислород концентратору жетиштүү экенин белгиледи.