Кытайда жаш балдар массалык түрдө пневмонияга чалдыгып жатат. Бул жаңы вирусбу?

Саламаттыкты сактоо кызматкерлери Кытайда белгисиз ооруга чалдыккандардын көбөйүшүн, балдардын пневмония менен ооруканага жаткырылганын иликтеп жатышат. Бул тууралуу New Scientist басылмасына шилтеме берүү менен “Барометр” билдирет.

Маалыматка караганда, жергиликтүү ооруканаларга жаткырылган балдардын саны тездик менен өсүп жатат. 
Азырынча белгисиз патогенден пайда болгон пневмониянын эпидемиясы өлкөнүн бардык шаарларына, анын ичинде Пекинге да жайылды.

Кытайдагы белгисиз оору тууралуу ProMed, дүйнө жүзү боюнча адамдардын жана жаныбарлардын ооруларынын чыгышына көз салган коомдук көзөмөл системасы билдирүү жасады.

Алар биринчилерден болуп балдардагы «диагнозу жок пневмониянын» эпидемиясын аныктап, кеңири сүрөттөп берген. ProMed шаршемби күнү жаңы эскертүү берди. 

 "Көптөгөн адамдар ооруканага жаткырылып жатат. Ооругандардын саны абдан эле көп. Алар жөтөлбөйт жана эч кандай симптомдору жок. Алардын температурасы көтөрүлүп, көбүнүн өпкөсүндө тактар пайда болуп жатат", - деп цитата келтирет FTV News каналына Пекиндин бир тургуну.

ProMedдин редакторунун эскертүүсүндө мындай деп айтылат: "Буга чейинки көрсөткүч диагноз коюлбаган респиратордук оорунун кеңири жайылышын болжолдойт. Эпидемия качан башталганы так эмес, анткени мынчалык көп балдардын тез ооруп калышы адаттан тыш көрүнүш".

Маалыматта чоңдордун да жабыркаганы айтылган эмес. 
Баса, 2019-жылдын декабрынын аягында ProMed сырдуу вирус тууралуу эскертип, кийинчерээк (коронавирус) Sars-Cov-2 деген атка ээ болгон.

Уюмдун отчётунда оорунун бактериялык, вирустук же башка себептери бар экендиги азырынча тактала электиги белгиленген. Докладдын авторлорунун айтымында, оорунун себебин жана масштабын аныктоо үчүн кошумча маалымат керек.

 Башка өлкөлөрдө, анын ичинде Улуу Британияда жана АКШда, ошондой эле Чехияда да пандемияга байланыштуу чектөөлөр алынып салынгандан бери сасык тумоо сыяктуу оорулардын көбөйүшү байкалды.

Пекин балдар ооруканасынын амбулаториялык бөлүмүнүн директору бир ай мурун ушундай эле көйгөйлөр тууралуу айтып, China Voice радиосуна анын ооруканасы быйыл балдардын курч респиратордук оорулары менен күрөшүп жатканын айткан.

Кытай Дүйнөлүк Саламаттыкты Сактоо уюмунун маалыматтарды бөлүшүү чакырыгына кандай жооп кайтарды?

Дүйнөлүк саламаттыкты сактоо уюмунун өтүнүчү боюнча Кытайдын мамлекеттик маалымат агенттиги Синьхуа Кытайдын Улуттук саламаттыкты сактоо комиссиясынын (NHC) расмий өкүлдөрүнө шилтеме жасап, алар дем алуу органдарынын оорулары менен ооруган балдардын диагностикасына жана дарылоосуна көңүл буруп жатканын айткан макаласын жарыялады.

Кийинчерээк, ДСУ Кытайда эч кандай "өзгөчө же жаңы козгогучтар" табылган жок жана өлкөнүн түндүгүндө жайылып жаткан курч респиратордук оорулардын көбөйүшү "бир нече белгилүү патогендерден" келип чыкканын билдирди.

Түштүк Кореяда дагы ушундай эле эпидемия учурунда өлкө боюнча балдардын пневмониясынын 200дөн ашуун учуру катталды. Алардын баары Mycoplasma pneumoniae бактериясы менен байланышкан.

Эксперттер "паникага алдырбоого" чакырат. Эксперттердин айтымында, өнүгүп келе жаткан патогендердин санын эске алганда, дүйнө сөзсүз түрдө кандайдыр бир инфекциядан улам пайда болгон дагы бир пандемияга туш болот. Бирок, Кытайдагы бул өзгөчө учурлар жаңы патогенден келип чыкса, көптөгөн чоңдор да ооруп калмак, деп белгилешет алар.

Дүйнөлүк саламаттыкты сактоо уюмуна пандемия боюнча кеңеш берген коомдук саламаттыкты сактоо боюнча эксперт Брайан Мак Клоски уюмдун Эл аралык саламаттыкты сактоо эрежелери системасы ушундай иштээрин түшүндүрдү, ал өлкөлөрдүн ДСУ менен потенциалдуу эпидемияга байланыштуу кызматташтыгын күчөтүүнүн зарылдыгын белгиледи.

"Учурда биз билген нерселерге таянып, мен пандемия жөнүндө дүрбөлөңгө салбайм, бирок мен Кытайдагы балдардын массалык ооруп жатышы тууралуу ДСУнун жообун жана ДСУнун кийинки баасын көрүүгө абдан кызыгам", - деди Мак Клоски.

Белгилей кетсек, Дүйнөлүк саламаттыкты сактоо уюму дагы өлкөлөрдөн оорулардын тобу жөнүндө кошумча маалыматты көп сурайт. Алар муну дээрлик күн сайын жасашат.

Дүйнөлүк саламаттыкты сактоо уюмунун тобу күн сайын миңдеген массалык маалымат каражаттарынын отчетторун жана өлкөлөрдөгү жугуштуу оорулар тууралуу ички көзөмөл маалыматын карап чыгат. Эксперттер андан кийин эл аралык деңгээлдеги коомдук саламаттыкты сактоочу өзгөчө кырдаал болуп калышы мүмкүн болсо, аларга кошумча маалымат керекпи же жокпу, чечишет.

Бир күн мурда Дүйнөлүк саламаттыкты сактоо уюму Кытайга расмий кайрылуу жолдоп, дем алуу органдарынын оорулары көбөйүп, балдар арасында пневмония оорусу күчөгөнү тууралуу кеңири маалымат берген.