Бишкектин Төмөнкү Жал кичи районунда 5-ноябрга чейин жылуулук берилбейт

Бишкектин Төмөнкү Жал кичи районунда жана Гагарин көчөсүндө жылуулук берилбейт. Бул тууралуу Бишкек мэриясынын басма сөз кызматынан кабарлашканын “Барометр” маалымдайт.

Жылуулукту өчүрүүгө «Газпром Кыргызстан» жоопкерчилиги чектелген коому Джаманбаев көчөсүндөгү газ түтүгүн кескендиктен улам жаратылыш газын берүү токтотулгандыгы себеп болгон.

Мындан улам «Бишкек жылуулук энерго» коммуналдык ишканасы дагы 1-ноябрдан 5-ноябрга чейин жылуулук менен ысык суу берүүнү токтотууга мажбур болууда.

Ремонт иштерин «Газпром Кыргызстан» ишканасынын бригадасы жүргүзүп жатат.

Бишкек мэриясы келтирилген ыңгайсыздыктар үчүн кечирим сурады.