Бишкекте коменданттык саат режимин 160дай киши бузду

Бишкекте 160 киши коменданттык саат режимин бузган. Бул тууралуу мэриядан кабарлашты.

Ага ылайык, режимди бузгандар милициянын аймактык бөлүмдөрүнө алып келинген.

Белгилей кетсек, Бишкек шаарында 25-марттан 15-апрелге чейин коменданттык саат киргизилди. Андан сырткары өзгөчө абал Ош, Жалал-Абад шаарлары менен үч районго киргизилген.

Мындай аракеттер коронавирустун алдын алуу үчүн жасалып жатат. 25-мартка карата алынган маалымат боюнча Кыргызстанда 44 кишиден коронавирус тастыкталган.