Бишкекте эркек кишини таанышы бычактап кетти

Ден соолукка оор залака келтирүүгө шектүү жаран кармалды. Бул тууралуу бүгүн, 5-ноябрда патрулдук милициянын басма сөз кызматынан кабарлашканын “Барометр” билдирет.

Окуя, 4-ноябрда түн ичинде Черепки-2 дарегинде болгон.Жергиликтүү тургундун айтымында, анын күйөөсүн таанышы ичке бычак менен сайып качып кеткен.

Бишкектин патрулдук милиция кызматынын башкармалыгынын инспекторлору бул ишке шектүү 1990-жылы туулган А.А.ны кармашты.