Бишкекте бирөөнүн аялын уурдап кеткенге шектүү жаран кармалды

Бишкекте бирөөнүн жубайын  уурдап кеткенге шектүү жаран кармалды. Бул тууралуу Бишкек ШИИБнын маалымат кызматына таянып “Барометр” билдирет.

Маалым болгондой, окуя 4-март күнү болгон. 

“ А.А. аттуу  милицияга кайрылып, белгисиз бирөө 4-март күнү 16:30дар чамасында Калыс-Ордо жаңы конушунан жубайы А.Н.нын эркине каршы унаага салып, белгисиз тарапка уурдап кетишкенин айткан.  

Бул факты боюнча Бишкек шаарынын Биринчи Май РИИБнин тергөө кызматы тарабынан КР Кылмыш-жаза кодексинин 165-беренеси (Адам уурдоо) боюнча кылмыш иши козголгон.    

Дароо тинтүү планы жарыяланып, Бишкек шаардык ички иштер башкы башкармалыгынын ыкчам кызматкерлери Биринчи май РИИБдин кызматкерлери менен биргеликте 2001-жылы туулган С.М. аттуу жаран экенин аныктап, кармашкан.    

КР Кылмыш-процессуалдык кодексинин 96-беренесине ылайык, шектүү Бишкек шаарынын ИИБнын убактылуу кармоочу жайына киргизилген. Учурда тергөө иштери уланууда”, -деп айтылат маалыматта.