Бишкекте бала бакчага кириш үчүн 30 миң бала кезекте турат

Бишкектеги балдар бакчаларына кириш үчүн 30 миң бала кезекте турат. Бул тууралуу Бишкек шаардык кеңешинин социалдык маселелер боюнча туруктуу комиссиясынын жыйынында калаанын  вице-мэри Виктория Мозгачева билдирди.

Ал мындай жагдай мектепке чейинки билим берүү мекемелери эки жыл бою иштебегендиктен улам келип чыкканын белгилеп өттү.

“Балдарды топтоо болгон эмес, ошондуктан кезек түзүлүп калган”,-деп айтты ал.

Виктория Мозгачева учурда мэрия балдар бакчалары кандай иштей турганы тууралуу эпидемиологдордун чечимин күтүп жатканын кошумчалды.