Бишкектеги Чоң Чүй каналына түшүп кеткен кишинин сөөгү табылды

Бишкектеги Чоң Чүй каналына түшүп кеткен кишинин сөөгү табылды. Бул тууралуу ӨКМдин басма сөз кызматына таянып "Барометр" билдирет. 

Бишкек шаарынын  Биринчи Май районунда 5-июль күнү Патрис Лумумба көчөсүндө ЧЧК (БЧК) каналына 1976-ж.т. аттуу эркек киши түшүп кеткен. 

Кечээ, 24-июль күнү издөө иш-чараларын улантуу максатында саат 10:30да Бишкек шаардык куткаруу кызматынан 2 куткаруучу жана Суучулдар кызматынан 2 суучул тартылган. Издөө иштеринин натыйжасында Совхоз-Фрунзе айылында маркумдун жансыз денеси суудан чыгарылып, туугандарына берилди.