Бишкекте № 2 жаңы автобустук каттам ишке кирди

Бишкек мэриясынын шаардык транспорт башкармалыгы №2 автобустук каттамды Республикалык инфекциялык клиникалык оорукана жайгашкан Лев Толстой көчөсү боюнча ишке киргизди.Бул тууралуу мэриядан кабарлашканын ”Барометр” маалымдайт.

Аталган кабарга таянсак, каттам жугуштуу оорулар ооруканасында коронавирус менен дарыланып жаткан бейтаптарга жетүүгө кыйын болгонуна байланыштуу түзүлгөн.

Шаардык транспорт башкармалыгы менен “Эко жүргүнчү ташуу” жоопкерчилиги чектелген коому №2  «Чыгыш авто бекет-жугуштуу оорулар ооруканасы» (айланма)  автобустук каттамынын кыймылынын схемасын иштеп чыгышты.

Бүгүн, 19-августта саат 7:00дөн баштап 12 автобус линияга чыгып жүргүнчүлөрдү тейлеп жатат.