Бишкекке 3 кабаттуу заманбап, жаңы оорукана салынып жатат

Бишкектеги  №6 клиникалык ооруканасынын аймагына кошумча оорукана курулат. Бул тууралуу саламаттык сактоо министрлигинин маалымат кызматына шилтеме берип "Барометр" билдирет.

Мындай маалыматты, саламаттык сактоо министринин убактылуу милдетин аткаруучу Жаркынбек Касымбеков билдирди.

Анын айтымында, оорукана 75 орунга ылайыкталып, заманбап медициналык жабдуулар орнотулган 3 кабаттуу имарат болот.

Бейтапкананын негизги бөлүгүн хирургия жана кайра жандандыруу бөлүмдөрү түзөөрү пландалууда.

Курулуш иштери Катар мамлекети тарабынан каржыланары маалым болду.