Бишкек жана Ошто 100 орундуу эки оорукана курулат

Бишкек жана Ош шаарларында 100 орундуу эки оорукана курулат. Бул тууралуу президенттин басма сөз кызматы таянып «Барометр» билдирет.

Сооронбай Жээнбеков Бишкек жана Ош шаарларына тез курулуучу конструкциядан ооруканаларды куруу боюнча өкмөттүк демилгени колдоого алды.

«Борбордогу Республикалык клиникалык инфекциялык оорукананын аймагынан курулушка жер тилкеси дайындалган», - деп айтылат маалыматта.

Ошондой эле, Бишкек шаарынын мэриясы борборго инвесторлорду тартуу менен көп профилдүү оорукана куруу маселесин иштеп жатканын белгилейт.