Бишкек-Нарын-Торугарт унаа жолу ачылды (Сүрөт)

Бишкек-Нарын-Торугарт унаа жолу сел сууларынан тазаланып,  унаалар өтө баштады. Бул тууралуу ӨКМдин басма сөз кызматына таянып "Барометр" билдирет. 

Кечээ, 26-июлда, Ысык-Көл облусунун Тоң районунундагы Бишкек-Нарын-Торугарт унаа жолунун болжол менен 145-чакырымында кокту-колоттордон түшкөн жамгырдын суулары унаа жолду каптап, унаалардын өтүүсүнө кыйынчылык жаралган. Жерине Балыкчы шаардык №19 ӨКБдан  куткаруучу топ,  №32 ЖТИден 1 грейдер, 1 манипулятор жана  кызматкерлер, ЖКККББдан 1 экипаж тартылган.

Бүгүн, 27-июлда суу каптаган Бишкек-Торугарт жолу ачылып, унаалар өтүп жатат.